Источник:
Kazakh.toy парақшасында сүйіктісіне 1001 раушан гүлін сыйлаған жігіттің видеосы тарап кетті. Сансыз гүл шоқтарын көрген желі қолданушылары ер адамның мәрттігін сынға алды деп хабарлайды NUR.KZ.
Желі қолданушыларының көбісі 1001 гүлге қаражатын сарп еткен азаматты қызу талқыға салған.
"Ақшасы болса, жоқ-жетімге көмектеспейді ме?", "Осылардан кедейлер қаражат сұраса, бермес еді", "Әйтеуір видеоға түсіп, мақтану ғой", "Екі-үш күн ғана өмір сүретін гүлдерге сонша қаражатты сарп етіп", — деп жазды желі қолданушыларының жартысы.
Желідегілердің арасында жас жігіттің әрекетіне ризашылық танытқандар да болды.
"Жарайсың", "Сүйіктісіне ыстық сезімін керемет көрсетті", "Мына жігіт арман ғой", "Барлық жігіттеріміз осындай романтик болса ғой", — деп ақтап алды олар ер азаматты.