Источник:
Денис Теннің өліміне қатысты кезекті сот отырысында Оксана Тен спортшының жаулары жайлы айтып берді деп хабарлайды NUR.KZ.
Спортшы анасы Денистің саяси да, діни де жаулары болмағанын мәлім етті.
"Денис өте ақкөңіл, бауырмашыл адам болды. Оның біреумен жауласуы мүмкін емес. Ұлымның саяси де, діни де жаулары жоқ. Әлдекіммен жанжалдасқанын да көрмеппін. Осы оқиғада күдіктілер ұлымды қасақана ашуландырып қойып отыр ғой", — деді Оксана Тен.
Айта кетейік, бүгін Алматыда қылмыстық істер бойынша мамандандырылған ауданаралық сотта Денис Теннің өліміне қатысты кезекті сот отырысы өтті.
Сондай-ақ Денистің анасы ұлы тамақтанған кафенің директорына қатысты мәлімдеме жасады.
Сонымен қатар Оксана Тен Денистің өлімі тапсырыспен болғанына сенімді екенін айтты.